Mora rrugë për Jabllanicë

Hej !Mora rrugë për Jabllanicë – T’ kujtoj vitet e rinisë !
Atje pashë shumë fshatra t’ shkreta – Njeri t’ gjallë në to nuk gjeta !

Ah, medet, ah, medet –
Jabllanicën, çka na e gjet ?!
Hej ! Shkova n’ Stubëll, te Medvegja –
Me pa vendin ku u vra Rexha ?!
Ku i la krushqit me bajrak ,
Ku e la nusen nën duvak ?!…

Ah, Medvegjë, ah Medvegjë ,
Unë të thërras – s’ ka kush m’ përgjegjë !
Hej ! Mbi Medvegjë, shkova n’ Tupallë –
Me shua etje , me u çmallë !
Me pa atë djep trimërie ,
Me pa fole diturie !…

Ah, Tupallë, ah Tupallë ,
Për ty , malli do me m’ kallë !
Hej ! Prej Medvegje , shkova n’ Sijarinë –
Me i pa banjat dhe krenarinë !
Bukurinë t’ ia shoh Gejzerit –
T’ ia shijoj ajrin eterit !

Ah, Sijarinë , ah Sijarinë ,
Për ty , malli po më shkrinë !

Gjilan, më 14. 12. 2016. Demir Krasniqi