Momentet e duhura gjatë ditës kur duhet të hani fruta

Të ushqehesh shëndetshëm nuk është aq e lehtë sa mendoni. Jo vetëm që duhet të bëni zgjedhjet e duhura, por oraret gjithashtu janë shumë të rëndësishme. Shmangia e vakteve dhe ngrënia në mënyrë të pakontrolluar janë faktorët kryesor që ndikojnë në çekuilibrimin e peshës trupore.

Kjo gjë nuk vlen vetëm për ushqimet e shpejta e ato të “pashëndetshme”, por dhe për frutat e perimet. Nuk mund t’i hani në mënyrë të pakontrolluar dhe gjatë gjithë ditës, por duhet të jeni selektivë dhe të zbatoni disa orare të caktuara në mënyrë që përfitimi prej tyre të jetë maksimal.

Mos harroni, trupi juaj ka nevojë për 3-4 porcione frutash në ditë.

Sapo të zgjoheni duhet të hani një frut

Fruktoza e frutave do i japë një “goditje” metabolizmit e do ta vendosë në lëvizje pas një nate të qetë.

Frutat treten lehtësisht dhe duhen ngrënë një deri në dy orë para konsumimit të vaktit kryesor.

Kurrë mos hani fruta gjatë një vakti

Të kombinosh ushqimin me fruta ngadalëson procesin e tretjes. Nëse ju vjen ndërmend kombinimi klasik “djathë-shalqi” na vjen keq t’ju themi se gjatë gjithë kësaj kohe kemi bërë gabim. Frutat duhen shoqëruar vetëm me fruta./Living.al