Mogherini nuk kupton ‘shqipen’ e Ramës, kryeministri: S’jeni përgatitur t’na pranoni në BE

Mes batutave, kryeministri e mori vetë situatën në dorë duke nisur të flasë në gjuhën angleze. “Mesa duket nuk jeni të përgatitur për të na pritur në familjen tuaj”, – tha kryeministri me batutë, duke ju drejtuar në anglisht zv.presidentes të Bashkimit Evropian, e cila nuk e kuptoi pjesën e parë e deklaratës që Rama mbajti në shqip.

Kryeministri Edi Rama kryesoi takimin e VIII të Këshillit të Stabilizimit dhe Asociimit Shqipëri-BE të mbajtur në Bruksel.

Në një konferencë për mediat që mbajti me zëvendëspresidenten e BE-së Federica Mogherini, Rama nisi të flasë në gjuhën shqipe.

Në këtë moment ka ndërhyrë përkthyesja e cila ka kërkuar të marrë kohë për t’i përkthyer në anglisht fjalët e kreut të qeverisë shqiptare, në mënyrë që të kuptoheshin edhe nga zonja Mogherini.

Mes batutave, kryeministri e mori vetë situatën në dorë duke nisur të flasë në gjuhën angleze.

“Mesa duket nuk jeni të përgatitur për të na pritur në familjen tuaj”, – tha kryeministri me batutë, duke ju drejtuar në anglisht zv.presidentes të Bashkimit Evropian, e cila nuk e kuptoi pjesën e parë e deklaratës që Rama mbajti në shqip.

Më herët, teksa mbajti fjalë në konferencën për mediat, kryeministri i Shqipërisë falënderoi Mogherinin për rolin e saj në rrugën integruese që ka ndjekur deri më tani vendi ynë. /Gazeta Express/