Mogherini: Kosova dhe Serbia shënuan kthesë në agjendën e dialogut

Shefja e BE’së për Politikë të Jashtme, Federica Mogherini, në njoftimin e saj për arritjen e katër marrëveshjeve mes Kosovës dhe Serbisë, thotë se kjo është një “pikë referimi për raportet mes të dyja vendeve”.

“Të dy kryeministrat kanë shënuar një kthesë në dialog. Ata janë pajtuar në përgjithësi për parimet e formimit të Asociacionit të Komunave Serbe, që I hapë rrugë themelimit”, thuhet në kumtesën e Mogherinit, ku ajo njofton për arritjen e marrëveshjes për energjinë, telekomin dhe themelimin e Asociacioni të Komunave Serbe si dhe urën mbi Ibër.

“Zgjidhjet si këto që ndodhën sot, sjellin përfitime konkrete për të dy popujt dhe në të njëjten kohë mundësojnë avancimin e të dyja palëve në rrugën europiane”, thuhet në njoftimin e Mogherinit, transmeton Express.

Më tutje, thuhet se Bashkimi Europian do të mbështesë implementimin e të gjitha marrëveshjeve mes Kosovës dhe Serbisë.

Mogherini njofton se dialogu mes të dyja vendeve, do të vazhdojë në muajt e ardhshëm.