Mkhitaryan me fjalë të mëdha për Asllanin: Ka potencial të jashtëzakonshëm dhe dëshirë për të mësuar

Mesfushori i Interit, Henrik Mkhitaryan, ka folur për Kristjan Asllanin, duke thënë se është një talent mjaftë premtues.

Edhe pse minutat nuk i ka pasur të shumta nga ana e trajnerit Simone Inzaghi, sërish për mesfushorin nuk mungojnë elozhet nga ana e shokëve të skuadrës.

Armeni Mkhitaryan shprehet se lojtari shqiptar ka potencial të jashtëzakonshëm ndërsa shton se të gjithë veteranët e skuadrës po e ndihmojnë.

“Alternativat aty në mesin e fushës nuk mungojnë, por vendos trajneri Inzaghi, ne mundohemi ta ndihmojmë sa më shumë të jetë e mundur duke dhënë më të mirën në fushë”.

“Në mendimin tim, Asllani ka një potencial të jashtëzakonshëm me një dëshirë të madhe për t’u përmirësuar”.

“Kërkon gjithnjë të mësoj dhe ne si më të vjetërit e grupit po mundohemi ta ndihmojmë sa më shumë. Na duhet kontributi i të gjithë lojtarëve dhe duhet të ndihmojnë gjithnjë njëri-tjetrin”, ka thënë Mkhitaryan. /Telegrafi/