Mjekët zbulojnë se si të mbrohemi kundër gripit dhe të qëndrojmë të shëndetshëm

Këta mjekë punojnë në një mjedis me rrezik të lartë. Ne jemi të ekspozuar vazhdimisht nga pacientët që vuajnë nga viruset e ndryshme, ftohjes dhe gripit. Megjithatë, shumica e tyre mbeten të shëndoshë, sepse gjatë gjithë vitit i përmbahen bazave të mbrojtjes. Bazat thonë: sasi e mjaftueshme e gjumit, ushqim i duhur, stërvitje dhe larje e duarve. Këshillat janë publikuar në portalin medicinal “Web Medicine”.

Dr. Lauren Richter, për shembull, thotë se në 15 vitet e fundit mori vetëm dy ose tre ditë pushim mjekësor. Lexoni disa këshilla mjekësore se si për të mbroni veten nga gripi dhe ftohjet:

“Lani duart rregullisht dhe sa më shpesh të jetë e mundur gjatë ditës. Lajini me ujë të ngrohtë dhe sapun, por mos nxitoni. I lani ato për 20 sekonda”, zbuloi Dr. Nancy Hughes.

“Largoni duart nga nga hunda dhe goja. Gjatë sezonës së gripit mos e hani ushqimin me dorë por gjithmonë me luge, pirunj dhe mjete të tjera. Nëse hani një sanduiç, vëreni një pecetë rreth tij”, këshillon Dr. Sandra Fryhofer. “Pastroni sipërfaqet përreth. Gripi dhe ftohjet janë viruse që mund të barten lehtë nga personi në person, por edhe nga sipërfaqet në person. Prandaj, rregullisht pastroni telefonat, tastierën, dorezat e dyerve dhe çdo gjë që ju shpesh e ndani me të tjerët”, këshillon Neil Schachter, profesor i mjeksisë.

“Rregullisht mbaj me vete shishe të vogla për pastrim të duarve me bazë alkooli dhe i përdorë nëse unë mendoj se jam në kontakt me infeksionet. Unë gjithashtu kam faculeta antiseptike me të cilat pastroj desktopin dhe telefonin. Stetoskopin dhe stilolapsin i pastroj alkool çdo ditë”, thotë Christopher Tolcher, pediatre në Los Angeles.

“Ushtroni për të forcuar imunitetin. Pa marrë parasysh se sa ushtroni do t’ju bëjë mirë, edhe në qoftë se ajo është stërvitje 20-30 minuta”, këshillon Dr. Fryhofer.

“Ndonjëherë kur ndjej se kam qenë në kontakt me dikë që është i sëmurë ose ndjehem keq, unë marr tableta të zinkut. Kjo është mburoja ime. Por nuk marr më shumë se dy në ditë, sepse mund të shqetësoj stomakun”, shton Dr. Schachter, dhe më tej shton se disa studime kanë treguar se zinku mund të zvogëlojë kohëzgjatjen dhe ashpërsnë e ftohjes.

“Unë besoj në çaj bimor me limon dhe mjaltë. Janë të ngrohtë dhe na përshtaten nëse kemi dhimbje të fytit dhe kollë”, thotë Dr. Fryhofer.

“Tretja fiziologjike është e shkëlyer tek hunda e mbyllur . Përbëhet vetëm nga uji dhe kripa e detit, dhe nuk mund të bëjë dëm. Unë një herë e kam përdorur atë 18 herë në ditë! Zvogëlon gëlbazën, pastron mukozën e hundës dhe lehtëson daljen e sekretit”, këshillon Dr. Marella Bothweell.

“Supa e pulës nuk rekomandohet pa ndonjë arsye. Ngrohtësia e saj pastron hundën dhe lehtëson frymëmarrjen. Kombinimi i përbërësve të supës ka një efekt të madh në sistemin imunitar dhe lehtëson inflamacionin e shkaktuar nga viruset e zakonshme të ftohjes, që është zbuluar me studimin më të ri “, tha Dr. Schachter./GazetaExpress/.