Mjegull në LDK

Analistët politikë konsiderojnë se LDK-ja do të presë konstituimin e plotë të institucioneve dhe në këtë fazë pakënaqësitë do të vazhdojnë.

Sipas tyre, dy gabimet e mëdha në hapat paszgjedhorë, pas zgjedhjeve të 8 qershorit, që bëri kreu i LDK-së, Isa Mustafa, fillimisht marrëveshja e parë paszgjedhore në kuadër të koalicionit LAN, pa konsultimin paraprak të bazës së gjerë politike, që në këmbim për postin e kryeministrit pranoi pozicionin e kryetarit të Kuvendit, dhe veprimi i fundit, prishja me VLAN-in për t’u futur në koalicion me PDK-në, mund të kenë pasoja fatale për lidershipin e LDK-së në zgjedhjet e brendshme partiake.

Ky parashikim, shkruan Kosova Sot, bazohet në faktin se që në fillim janë deklaruar së paku pesë deputetë të LDK-së se nuk do ta votojnë kabinetin e ri qeveritar, edhe nëse kryeministër mbetet Isa Mustafa, vetëm për faktin e shkeljes së vijave të kuqe të vendosura nga LDK-ja për partneritet të mundshëm qeverisës me PDK-në. /kosovasot/