Mitaj: Kam lindur në Athinë, por dashuroj më shumë Shqipërinë time

Futbollisti shqiptar, Mario Mitaj ka folur për mediat ruse për prejardhjen e tij.

Mbrojtësi i majtë i Shqipërisë u shpreh se ka lindur në Athinë, por është shqiptar.

“Unë kam lindur në Athinë, por jam shqiptar. Fakti që kam lindur në Athinë nuk më bën grek. Kam shumë miq atje, flas greqisht dhe e dua atë vend për mundësitë që ka dhënë për mua dhe familjen time. Por unë dashuroj më shumë Shqipërinë time, jam një patriot i atdheut tim. Kur shoh flamurin shqiptar dhe flas me shqiptarë, mbushem me një ndjenjë krenarie”, tha Mitaj.

Aktualisht, ai është pjesë e Lokomotiv Moscow në Rusi dhe pjesë e rregullt e Shqipërisë në grumbullimet e fundit.