Misioni i SHBA-së në NATO: Do të qëndrojmë pran Kosovës në rrugën e saj euro-atlantike

Kryeministri i vendit Albin Kurti, ka takuar sot sekretarin e përgjithshëm të NATO-s Jens Stoltenberg, në Bruksel.

Me këtë rast, misioni i Shteteve të Bashkuara të NATO-s e ka mirëpritur këtë takim duke thënë se do të qëndrojë pranë Kosovës ndërsa vazhdon të ecë përpara në rrugën e saj Euro-Atlantike

“Sekretari i Përgjithshëm, Jens Stoltenberg, mirëpriti më herët sot, kryeministrin e Republikës së Kosovës, Albin Kurtin te selia e NATO-s. SHBA do të qëndrojë pranë Kosovës, ndërsa vazhdon të ecë përpara në rrugën e saj Euro-Atlantike”, thuhet në postimin e tyre në Twitter.

Kurti sot përmbyll vizitën e tij dyditore në Bruksel. Gjatë këtyre ditëve, ai ka takuar udhëheqës të institucioneve të BE-së dhe komisionarë të shumtë, ndërsa vizitën pritet ta përmbyllë me takimin në Komitetin e Parlamentit Evropian për Punë të Jashtme. /Zëri