Mishi i përpunuar shkakton kancerin

Organizata Botërore e Shëndetësisë (WHO) tha sot se të hahet mish i përpunuar, siç janë salsiçet dhe proshutat shkaktojnë kancerin, kurse mishi i kuq i papërpunuar mund të jetë kancerogjene.

Pas disa studimeve të bëra thuhet se ngrënia e 50 gram mish të përpunuar çdo ditë mund të rrisë rrezikun e kancerit kolorektal me 18 për qind. Megjithatë, autorët thonë se me një sasi të tillë rreziqet janë më të vogla, shkruan CNN, transmeton Koha.net.

Mishi i përpunuar më së shumti përmban mish viçi, derri dhe mish pule. Kurse Organizata Botërore e Shëndetësisë i vendos ato në të njëjtin nivel si pirja e duhanit.

Mishi i kuq i papërpunuar si bifteku gjithashtu është klasifikuar si “shkaktar i mundshëm i kancerit”.

“Këto rezultate janë të rëndësishme pasi iu mundëson agjencive rregullatore ndërkombëtare dhe qeverive të kryejnë vlerësimin nga rreziku i tillë, në mënyrë që të bëhet balancimi i rreziqeve dhe përfitimet nga ngrënia e këtyre ushqimeve, dhe të japin rekomandimet më të mira të mundshme të dietave”, ka thënë Christopher Wild, kreu u agjencisë së kancerit në Organizatën Botërore të Shëndetësisë.

http://koha.net/?id=13&l=81364