“Mirusha” tejkalon pikën më kritike

Gjilan – Fadil Osmani menaxher në zyrën e projekteve tha për rajonipress se tashmë janë tejkaluar të gjitha pengesat rreth projektit të lumit “Mirusha”. Sipas tij pika më kritike nga Hoteli “Kristal” në drejtim të stadiumit është tejkaluar dhe tani po punohet në zemër të hapur.

Lumi “Mirusha” me të gjitha pengesat dhe të papriturat gjatë realizimit ka nisur të marrë hovin e vet. Tashmë është duke u punuar në zemër të qytetit dhe janë duke u mbuluar gypat kryesor të kanalizimit tha për rajonipress Adem Kqiku nga kompania “Bejta Comerc”.

Kurse Fadil Osmani menaxher në zyrën e projekteve thotë se të gjitha pengesat rreth projektit të lumit “Mirusha” janë tejkaluar. “Tashmë i kemi identifikuar pronarët e pronave dhe është bërë elaborati i shpronësimit. Pika më kritike është tejkaluar sepse është punuar në kushte të rënda dhe të pa përshtatshme rreth Hotelit “Kristal”” tha Osmani.

Osmani tha se aktualisht po punohet në zemër të hapur dhe punët janë duke shkuar mirë sepse janë zotuar mjetet nga ana e Ministrisë së Ambientit rreth 3.5 milion euro.

Osmani thotë se lumi “Mirusha” është projekti më madhor për Gjilanin dhe realisht me këtë projekt qeverisja e Gjilanit e udhëhequr nga Qemajl Mustafa ka treguar guxim e përkushtim. “Edhe të tjerët kanë pasur mjete e buxhet , por u ka munguar guximi” tha Osmani. /rajonipress/