Mirlind Daku vendimtar në fitoren e Muras, e mbyll sezonin si golashënuesi i dytë më i mirë në Slloveni

Mirlind Daku ka qenë edhe njëherë tjetër vendimtar në fitoren e Muras në elitën e futbollit slloven.

Në ndeshjen e vlefshme për javën e 36-të dhe të fundit, Mura shënoi fitore në udhëtim ndaj Koper.

Ndeshja e zhvilluar sonte në stadiumin “Bonifika” përfundoi me rezultatin 1:2.

Goli i fitores për mysafirët u shënua në fund nga Mirlind Daku, në minutën e 95-të.

Për sulmuesin kosovar ishte ky goli i tij i 19-të këtë sezon, të cilin e mbylli si golashënuesi i dytë më i mirë në Slloveni.

Mura me këtë fitore ka 52 pikë dhe e mbyll sezonin në pozitën e pestë.