Mirlind Daku vazhdon me formën e lartë, shënon dy gola në fitoren e Muras
Mirlind Daku po vazhdon me formë tejet të mirë në elitën e futbollit slloven.
Skuadra ku aktivizohet sulmuesi kosovar, Mura, shënoi fitore sonte kundër Radomljes – shkruan Gazeta Express.
Ndeshja u mbyll me rezultatin 3:0, teksa Daku shënoi dy gola.
24-vjeçari shënoi në minutat 3 dhe 74, teksa goli tjetër për vendasit u shënua nga Tio Cipot, në minutën e 9.
Mirlind Daku tani numëron 10 gola dhe prin në listën e golashënuesve në Slloveni.
Ndryshe, Mura renditet e katërta në tabelë me 20 pikë të grumbulluara pas 13 xhirove. /Gazeta Express/