Mirëmbajtjen institucionale e nisin me parkun memorial në Pograxhë

Gjilan – Drejtoria për Rini, Kulturë dhe Sport ka filluar të implimentoje marrëveshjen e Komunës së Gjilanit me OVL së UÇK –së për përkujdesje të lapidarëve dhe përmendoreve në Komunën e Gjilanit.

Pas inspektimit të sejcilit lapidarë nëpër fshatra të komunës, ata sot kanë filluar që të pastrojnë parkun memorial në Pograxhë të dëshmorit Fatos Limani, kurse banorët e Pograxhës këtë veprim e kanë vlerësuar si shumë të dobishëm pasiqë për herë të parë në mënyrë institucionale po mirëmbahen lapidarët.

Veton Nevzadi, drejtor i Drejtorisë për Rini, Kulturë dhe Sport tha se këtë vit po bëjmë pastrimin e hapësirave ku janë të vendosur lapidarët nëpër fshatra dhe po vendosim flamujt e ri, ndërsa në vitin e ardhshëm pretendojmë që të investohet në ato vende ku lapidarët janë dëmtuar më shumë nëpër kohë.

Nevzadi me këtë rast falënderoi kryetarin e OVL UÇK-së zotin Ahmet Daku për angazhimin e përbashkët për të inspektuar këto hapësira dhe në mënyrë të veçantë falënderoi të gjithë qytetarët e komunës të cilët u munduan që deri tash të mirëmbajnë parqet memoriale nëpër fshatrat e komunës së Gjilanit./rajonipress/