Miratohet rishikimi i buxhetit të Kosovës për vitin 2021

Me 69 vota për, asnjë kundër dhe asnjë abstenim, deputetët kanë miratuar projektligjin për ndryshimin dhe plotësimin e Ligjit mbi Ndarjet Buxhetore për Buxhetin e vitit 2021.

“Kuvendi e miratoi projektligjin nr. 08/L-016 për ndryshimin dhe plotësimin e Ligjit Nr. 07/L-041 mbi Ndarjet Buxhetore për Buxhetin e Republikës së Kosovës për Vitin 2021. Me këtë rast i mbylli punimet e kësaj seance plenare”, tha kryetari i Kuvendit, Glauk Konjufca.

Vetëm një amendament i opozitës ka kaluar, nga 35 sa ishin gjithsej.

Amendamenti i opozitës u bë nga deputetja e PDK-së Blerta Deliu-Kodra për ndërtimin e një kopshti fëmijësh në Skenderaj.

Në hyrje të diskutimit kryetari i Komisionit për Punë, Buxhet dhe Transfere, Armend Muja, ka thënë se disa nga kontratat që kanë qenë për efektet paraelektoral janë anuluar, raporton Ekonomia Online.

Tutje, Muja se buxheti për vitin 2021 është parashikuar të jetë 2.4 miliardë euro.

Shpërndaje.
© RAJONIPRESS