Minxhozi: Po përballemi me situatë të vështirë, kosovarët po solidarizohen shumë

Ambasadori i Shqipërisë në Kosovë, Qemal Minxhozi në një lidhje direkte në T7 ka thënë se janë marrë të gjitha masat e nevojshme për të përballuar këtë situatë të vështirë pas tërmetit në shtetin shqiptar, shkruan Gazeta Express.

Minxhozi tha se ka një solidaritet të madh për të ndihmuar, sidomos nga Kosova.

“Janë marrë të gjitha masat për të përballuar me sa të jetë e mundur këtë situatë të vështirë, ka një solidaritet të madh sidomos nga Kosova që ka dhënë një kontribut të madh. Situata vazhdon të jetë e vështirë, ka viktima, mendoj që nesër do ta kemi më të qartë, por, mobilizimi është i jashtëzakonshme. Solidarizimi i kosovarëve është i jashtëzakonshme, kanë dhënë një ndihmë shumë të madhe, i falënderojmë pa masë”, ka deklaruar ai./GazetaExpress/

Shpërndaje.
© RAJONIPRESS