Minxhozi angazhohet për një zgjidhje të përhershme të qytetarëve të dëbuar

Ambasadori Mingjozi u zotua se do të angazhohet maksimalisht për gjetjen e një zgjidhje të përhershme të këtyre problemeve me të cilat po ballafaqohen qytetarët e dëbuar me dhunë nga shtëpitë e tyre.

Ambasadori i Republikës se Shqipërisë, Qemajl Minxhozi priti sot një përfaqësi të “Lëvizjes Qytetare Vatra” me seli në Gjilan, kryesuar nga Kushtrim Kadriu, Bashkim Mehmeti e Agim Sopi.

Gjatë takimit u diskutua për problemet e qytetarëve të dëbuar nga Kosova Lindore që jetojnë në Kosove, ku përfaqësuesit e Lëvizjes”Vatra” i dorëzuan ambasadorit një liste të problemeve me të cilat ballafaqohen qytetarët e dëbuar nga Kosova Lindore, e që jetojnë në Kosovë, me theks të veçantë problemet e pajisjes me dokumente të identifikimi, problem ky që po i preokupon qytetarët e dëbuar nga Kosova Lindore tash e 16 vite.

Ambasadori Mingjozi ka shprehur gatishmërinë që problemet e qytetarëve të dëbuar nga Kosova Lindore të ngritën në instancat më të larta të Republikës së Shqipërisë.

Në fund Ambasadori Mingjozi u zotua se do të angazhohet maksimalisht për gjetjen e një zgjidhje të përhershme të këtyre problemeve me të cilat po ballafaqohen qytetarët e dëbuar me dhunë nga shtëpitë e tyre./rajonipress/