Ministria e Shëndetësisë mbi vendimet e gjykatave

Gjilan – Drejtori i spitalit Abdylatif Latifi tha se me kthimin në punë të Xhavit Hajdarit nuk ka bërë shkelje ligjore sepse ka vepruar në bazë të vendimit të komisionit disiplinor i cili ka kërkuar nga menaxhmenti i spitalit që deri në plotfuqishmërinë e vendimeve të organeve kompetente gjyqësore, në përputhje me planin kadrovik dhe mundësitë buxhetore të sistemoj ish shërbyesin civil në pozitën e mjekut specialist internist.

Xhavit Hajdari ish drejtor i spitalit të Gjilanit i dënuar për marrje ryshfeti me 1 vit burg efektiv është kthyer në spitalin e Gjilanit , jo si drejtor, por si mjek specialist në repartin e Hemodializës.

Ministria e Shëndetësisë në vendimin e saj të datës 30 janar 2013 të nënshkruar nga komisioni disiplinor Hajzer Dobra, kryesues dhe Nazmije Kajtazi e Curr Gjocaj anëtar , pasi kanë shqyrtuar kërkesën e Spitalit të Gjilanit dhe pasi janë njoftuar nga Xhavit Hajdari se heq dorë nga drejtori i spitalit të Gjilanit , e kanë njoftuar menaxhmentin e spitalit të Gjilanit se Xhavit Hajdarit se i ndërpritet marrëdhënia e punës si drejtor ekzekutiv dhe i shqiptohet masa e ndalimit të ushtrimit të detyrave menaxhuese ose të detyrave që janë të lidhura me sistemimin, menaxhimin dhe shfrytëzimin e pasurisë.

Por, vendimi i Komisionit disiplinor ka edhe një arsyetim shtesë. Në arsyetimin e Komisionit disiplinor thuhet se deri në plotfuqishmërinë e vendimeve të organeve kompetente gjyqësore, i propozohet këshillit drejtues të spitalit të Gjilanit që në përputhje me planin kadrovik dhe mundësitë buxhetore të sistemoj ish shërbyesin civil në pozitën e mjekut specialist internist me pamundësi të ushtrimit të këtij pozicioni në çfarëdo lloj posti menaxheria apo administrim me pasurit e institucionit, kjo e mbështetur edhe nga vendimi i Gjykatës Komunale të Gjilanit.

Drejtori i spitalit të Gjilanit Abdylatif Latifi tha për rajonipress se ai nuk e ka shkelur ligjin meqë e ka zbatuar vendimin e Ministrisë së Shëndetësisë. “Unë kam lejuar që Hajdari të kthehet në punë si mjek në repartin e Hemodializës dhe jo në atë të Internos ku edhe ka punuar më parë. Unë vetëm e kam zbatuar vendimin e komisionit disiplinor dhe për procedurat tjera nuk mbajë përgjegjësi” tha Latifi./rajonipress/