Ministria e Liburn Aliut i jep shpresa Kamenicës, që disa pjesë të shpallen parqe nacionale

Kamenicë – Ministria e Mjedisit dhe Planifikimit Hapësinor, gjegjësisht Agjencioni për mbrojtjen e mjedisit të Kosovës i ka kthyer një përgjigje Selver Lenjanit i cili ka kërkuar që disa hapësira në Kamenicë të shpallen parqe nacionale, se kjo Ministri ka evidentuar për vitin 2023 vlerat natyrore të Komunës së Kamenicës.

“Bazuar në kërkesën tuaj që disa pjesë të shpallen park nacional, ministria jonë në planin e punës për virin 2023, ka evidentimin e vlerave të natyrës në Komunën e Kamenicës. Me këtë rast do të konstatohen dhe vlerat e zonave të propozuara në kërkesë dhe në varësi të vlerave natyrore do të propozohen për shpallje zona të mbrojtura në kategorinë e caktuar varësisht nga vlerat me të cilat disponojnë” thuhet në përgjigjen e Agjencionit për mbrojtjen e mjedisit të Kosovës të nënshkruar nga Sami Behrami.

Behrami ka shprehur konsideratën për Selver Lenjanin dhe interesimin tij për vënje nën mbrojtje të vlerave natyrore dhe shpreh gatishmërinë për bashkëpunim me të gjitha palët me rastin e realizimit të evidentimit të vlerave natyrore./rajonipress/