Ministria e Financave konfirmon se komunat s’kanë kompetenca ligjore të falin tatimin në pronë

Rritja e tatimit në pronë nxiti reagime të shumta, por Asociacioni i Komunave të Kosovës sot ka bërë të ditur se kanë marrë përgjigje nga Ministria e Financave lidhur me pyetjen nëse komunat kanë të drejtë të falin tatimin në pronë.

Sipas tyre, MF-ja e ka konfirmuar se komunat nuk kanë kompetencë që të falin tatimet në pronë, raporton Zeri.info.

“Ministria e Financave, Punës dhe Transfereve (MFPT) konfirmon të drejtën e Komunave që nuk kanë kompetencë për faljen e tatimit në pronë.

Kjo është vërtetuar edhe në përgjigjen që MFTP ka dhënë edhe në kërkesën e kryetarit të Komunës së Drenasit, z.Ramiz Lladrovci i cili para pak ditësh kërkoi interpretim ligjor nga MFPT rreth asaj që a kanë të drejtë komunat të falin tatimin në prone”, thuhet në njoftim. /Zëri