Ministria e Arsimit planifikon test shtetëror të profesionit

Ministria e Arsimit, Shkencës dhe Teknologjisë ka hartuar Ligjin për vendosjen e një testi shtetëror të profesionit, të cilit do t’i nënshtrohen të gjithë të diplomuarit në universitet.

Drejtues të Ministrisë kanë thënë se me këtë test nuk po duan të kontestojnë diplomat universitare, por me këtë po caktohen standarde kombëtare të cilësisë së profesionit, shkruan sot Koha Ditore.

Profesorët universitarë kanë thënë se nuk ka nevojë për testime të tilla, mendim ky që i bashkohen edhe përfaqësuesit e studentëve. Ndërsa ndryshe prej tyre e shohin ekspertët e arsimit çështjen e verifikimit të profesioneve të rregulluara.

Ministri i Arsimit, Arsim Bajrami, ka thënë në një deklaratë për “Kohën Ditore” se Ligji për profesionet e rregulluara i ka munguar Kosovës.