Ministria e Abrashit blen karrige 10 mijë euro për staf

Ministria e Punës dhe Mirëqenies Sociale, e udhëhequr nga Arban Abrashi, së shpejti do të furnizohet me karrige, në vlerën e 9 mijë e 999 eurove. Kështu thuhet në njoftimin që Ministria e Abrashit, ka bërë në faqen zyrtare të KRRPP-së.

Në përshkrimin e lëndës thuhet se ky furnizim do të bëhet për nevoja të stafit të MPMS-së, shkruan Indeksonline.

“Furnizim me karrika menaxheriale për nevoja të MPMS-së”

Ministria e Punës, ka porositur plot 75 copë karrige, për nevoja të stafit punues. Ndërsa MPMS, njëkohësisht ka treguar edhe procedurat, e kriteret që operatori duhet tu përmbahet.

“Autoriteti Kontraktues përmes kësaj procedure të prokurimit do përzgjedhë ofruesin e furnizimeve për të kryer Furnizimet me karrika menaxheriale për nevojat zyrtare për stafin e MPMS-së (numri i furnizimit me karrika do të jetë 75 copë )”, thuhet në njoftimin e publikuar.

Ndërsa ende nuk dihet se cila do të jetë kompania fituese, e cila do ta furnizoj me karrige këtë Ministri. /Indeksonline/