Ministri Rikalo duhet të dorëhiqet

Politologu Belul Beqaj ka thënë se ministri i Bujqësisë, i Pylltarisë dhe i Zhvillimit Rural, Nenad Rikalo, duhet të dorëhiqet derisa të sqarohet juridikisht rasti i tij.

Në këtë intervistë dhënë për gazetën “Epoka e re”, Beqaj ka thënë se kështu duhet të veprojë çdo personalitet publik ndaj të cilit ka reagime negative publike.

Sipas tij, motivet e atyre që po e mbrojnë dhe të atyre që po e akuzojnë ministrin serb janë shumë të dyshimta.

Beqaj nuk ka përjashtuar as mundësinë e organizimit të protestave të mëdha nga opozita për rastin Rikalo. “Protestat nuk përjashtohen, jo vetëm për shkak të Rikalos, por për shkak të veprimeve që do t’i ndërmarrë Qeveria”, ka thënë Beqaj.