Ministri i ri optimist: Në fund të vitit do të lëvizim pa viza

Ministri i Brendshëm në Qeverinë e Kosovës, Bejtush Gashi, është shprehur optmist që në fund të vitit 2018 qytetarëve të Kosovës do t’u hiqet regjimi i vizave.

“Tani është vështirë të parashikohet. Fundi i këtij viti do ta gjejë Kosovën me një vendim për liberalizimin e vizave. Të paktën nëse u referohemi deklaratave. Infromacionet janë premtuese”, ka thënë Gashi, në RTK.

Gashi tha se arrestimi i Gjuriqit është kryer në bazë të ligjeve të Kosovës.

“Ne do të veprojmë edhe në të ardhmen. Ai ka shkelur ligjet e Kosovës”, ka thënë ai.

Gashi ka folur investimet në veri.

“Ne po punojmë që të krijojmë kushte të mira atje. Është situatë e re. Unë kam qenë atje dhe është situatë e mirë. Edhe ata janë qytetarë të Kosovës”, ka thënë ai.

Sipas tij, Kosova ka avancuar shumë në gjendjen civile.

“MPB ka kryer punë shumë dhe kriteret janë plotësuar të gjitha, që i kanë takuar MBP-së”, ka thënë ai.