Ministri Hoti shpjegon pse nuk do të ketë rritje pagash për 25 %

Ka vetëm disa ditë që ka marrë detyrën e Ministrit të Financave. Tash Avdullah Hoti do ta drejtoj kuletën e shtetit e cila sipas tij nuk duket të jetë krejt e mbushur.

Ministri Hoti në një intervistë për RTK-në shpjegon arsyet përse pagat nuk mund të rriten për 25 për qind.

Thotë se rritjet do të bëhen sipas mundësive buxhetore.

“Nuk mund të shpërndahet diçka që nuk ekziston. Sindikatat e kanë buxhetin në letër le ta analizojnë, le të identifikojnë ndonjë mundësi për rritje të pagave dhe unë me kënaqësinë më të madhe do i pres prapë”, tha Hoti.