Ministri holandez bën thirrje për marrëveshje të pranueshme mes Kosovës dhe Serbisë

Stef Blok beson se është e rëndësishme që të vazhdohet sa më shpejt dialogu Kosovë – Serbi.

Ministri i Jashtëm holandez, Stef Blok, beson se është e rëndësishme që të vazhdohet sa më shpejt dialogu Kosovë – Serbi.

Blok ishte sot për vizitë zyrtare në Serbi dhe theksoi se çdo vendim i mundshëm në lidhje me territoret e të dyja vendeve duhet të jetë në përputhje me ligjin ndërkombëtar.

“Prandaj është thelbësore që ky proces të vazhdojë sa më shpejt që të jetë e mundur dhe që të dyja vendet të përmbahen nga lëvizjet që dëmtojnë besimin e ndërsjellë”, deklaroi Blok për agjencinë e lajmeve “Beta”, transmeton lajmi.net.

Ai shtoi se Holanda mbetet e shqetësuar për mungesën e përparimit të Serbisë.

Blok theksoi se SHBA-ja ka rritur angazhimin e saj në Ballkanin Perëndimor dhe që i takon Beogradit dhe Prishtinës të arrijnë një marrëveshje të pranueshme reciprokisht. /Lajmi.net/