Ministri Bajrami tërheq kërkesën për zëvendësim nga Florent Muçaj

Pas raportimit të gazetës “Koha Ditore” për angazhimin e jashtëligjshëm si ligjërues të asistentit Florent Muçaj në vend të ministrit të Ministrisë së Arsimit, Shkencës dhe Teknologjisë, Arsim Bajrami, ky i fundit një ditë më pas ka kërkuar nga Fakulteti Juridik që ta tërheqin autorizimin e tij për zëvendësim nga Muçaj, shkruan sot Koha Ditore.

Gazeta kishte raportuar për shkeljen e Statutit të universitetit “Hasan Prishtina” nga Fakulteti Juridik në momentin që ia ka miratuar kërkesën ministrit Bajrami për angazhimin e Muçajt. Këtë kërkesë ai e kishte bërë më 9 janar të këtij viti.

Bajrami ishte bazuar në nenin 178, paragrafi 3 i Statutit, i cili thotë: “Asistentët mbajnë orët e ushtrimeve në studimet bachelor dhe master.

Përjashtimisht asistenti që është rizgjedhur, në mungesë të profesorit për lëndën, mund të autorizohet për mbajtjen e ligjëratave të kufizuara në studimet bachelor me autorizimin e Këshillit të njësisë akademike dhe nën mbikëqyrjen e një mësimdhënësi nga departamenti – katedra”