Ministri Abrashi: Pensioni bazë do të jetë 158 euro më i larti 240

Ministri i Punës dhe Mirëqenës Sociale, Arban Abrashi ka treguar se pensioni bazë për pensionistët kontributdhënës do të jetë 158 euro. Ai pas miratimit të propozimit për pensionet kontributdhënëse nga Qeveria e Kosovës, në mbledhjen e mbajtur të premten, ka thënë se synojnë që pensionin më të lartë ta arrijnë në 240 euro. Ai me anë të një postimi në Facebook, ka bërë të ditur se pensionistet mund ti sjellkeni dokumentacionet e tyre nga data 18 janari deri në fund të shkurtit.

Më poshtë është postimi i tij i plotë në Facebook:

“Me qellim të implementimin të plotë të Ligjit për skemat pensionale të financuara nga shteti, sot Qeveria miratoi propozimin i cili përcakton që baza e pensionit kontributdhënës të jetë 158 euro. Mbi këtë bazë do të kalkulohet pensioni sipas koeficienteve të bazuar në kualifikimet (edukimin) e pensionisteve kontributdhënës.

Kualifikimet ndahen në kategoritë: edukim fillor, edukim i mesëm, edukim i lartë dhe edukim Universitar.

Bazuar në këto kategori, pensioni kontributdhënës bazë do të jetë 158 euro dhe më të lartin synojmë të arrijmë rreth 240 euro.

Pensionistët do të ftohen që të sjellin dëshmitë e tyre mbi kualifikim përkatësisht edukimin e tyre, nga data 18 janar 2016 deri më fund shkurtit 2016, ndërsa pagesat e pensioneve do t’i marrin në mënyrë retroaktive nga data 01 janar 2016″.