Ministrat rrezikohen nga riformatimi

Partia më e madhe që e udhëheq Qeverinë e Kosovës, ka nisur të diskutojë për ministrat që duhet të largohen nga Kabineti Qeveritar si dhe për ata që duhet t’u ndërrohet portofoli. Zyrtarë me ndikim të Partisë Demokratike të Kosovës, i kanë sugjeruar kryeministrit Hashim Thaçi që në listën e ministrave të cilët duhet t’i tërheqë duhet të jenë ata që nuk kanë mjaft vota dhe bagazh të madh votuesish.

Këta zyrtarë, që përfaqësojnë disa grupe të mëdha me ndikim në partinë e kryeministrit Hashim Thaçi, po kërkojnë që në Qeveri të futen zyrtarë partiakë që në zgjedhjet e ardhshme parlamentare mund të sjellin vota të mjaftueshme për partinë e cila synon ta mbajë primatin si e para.

“Kryetari i partisë ka kërkuar që mos të diskutohet shumë me emra derisa mos të merren vendimet finale për shkak se i dëmtojmë personalitetet e atyre që do të largohen. Kjo për shkak se ata që do të largohen nuk do të dalin si të dështuar por si nevojë për ta rritur ndikimin e partisë në zona të caktuara të vendit”, i ka thënë Tribunës një zyrtar i lartë në PDK, i cili ka preferuar të mos i përmendet emri…(Tribuna).