Mineralet e nevojshme për trup të shëndetshëm

Mineralet janë tejet të rëndësishme për organizmin tonë, pasi na ndihmojnë të kemi një jetë të shëndetshme.

“Zëri”, ju prezanton disa nga mineralet që na mundësojnë të kemi një trup të shëndetshëm.

Hekuri: Gjendet në sasi të mjaftueshme në mish të kuq dhe është njëri nga mineralet më të rëndësishme për funksionim efektiv të trupit.

Personat që preferojnë dietë vegjetariani marrin shumë hekur nga perimet me gjethe të gjelbra, si spinaqi dhe brokoli. Sidoqoftë, kjo formë e hekurit nuk absorbohet lehtë nga trakti gastrointestinal, për shkak se është i lidhur me përzierje tjera joabsorbuese.

Kromi: Mirëmbajtja e niveleve të insulinës është njëra nga funksionet e kromit. Shumë njerëz janë me mungesë të kromit, për shkak të të ushqyerit (dietës) me shumë sheqer dhe yndyra. Kjo dietë e pashëndetshme zvogëlon nivelet e kromit në trup.

Nivelet optimale të kromit për të krijuar trup të shëndosh janë së paku 200 miligramë në ditë, përcjell “Zëri”.

Kalciumi dhe Magnezi: Ndërtimi, riparimi dhe zhvillimi i eshtrave janë pjesë e niveleve të shëndetshme të kalciumit dhe magnezit. Këto dy minerale punojnë së bashku për të tkurrur dhe relaksuar fibrat e muskujve dhe për të mirëmbajtur nivelet e shtypjes së gjakut.

Gjendet në ushqime deti, perime me gjethe jeshile, si dhe arrat dhe lajthitë.

Seleni: Ky është një mineral që forcon sistemin e imunitetit dhe eliminon qelizat kancerogjene. Këto funksione i kryen duke punuar dorë për dore me vitaminën E.

Për të shtuar nivelet tuaja të selenit ushqehuni me ushqime të detit si dhe mish organesh të brendshme – mëlçi, mushkëri, veshkë. /ZËRI/