“Minatorët” e Trepçës, fikin Dritën në Gjilan

Gjilan – Ndeshja e javës së 23 e Superligës së Kosovës në hendboll e zhvilluar në Palestrën e Sportit “Bashkim Selishta – Petriti”, në Gjilan ju ka takuar “Minatorëve” nga Mitrovica me rezultat 30-31.

Hendbollistët e Dritës edhe pse nuk shënuan fitore pa disa hendbollist të lënduar treguan lojë cilësore ndërsa në disa periudha të ndeshjes ishte më e mirë se skuadra e Trepçës. Përvoja e bëri të vetën dhe mysafirët me fat në këtë ballafaqim arritën fitore.

I gjithë takimi u vendosë në sekondat e fundit të ndeshjes gjyqtarët e këtij takimi bën gabim skandaloz kur katër sekonda para fundit të ndeshjes nuk akorduan penalti
për “bardh e katërtit” e Dritës dhe humbja ishte e pa evituar.

Hendbollistët e Dritës pas 23 javësh renditen në pozitën e 5 me 27 pikë, ndërsa mysafirët në pozitën e dytë me 37 pikë.

Edhe kësaj radhe hendbollisti më i dalluar, në radhët e Dritës ishte Gëzim Misimi me 10 gola të shënuar, ndërsa tek mysafirët Terziqi me 8 gola./rajonipress/