Mimoza Shkodra konfirmon: Jam singël

Mimoza Shkodra thotë se e ruan me shumë kujdes jetën private pasi ajo i takon “vetëm asaj”, por ka zbuluar një detaj se aktualisht është “single”. Këngëtarja kosovare, e cila jeton në Zvicër, së fundi është më aktive në skenë. Pas hitit “5” në bashkëpunim me Bleron, ajo tashmë është gati të sjellë një tjetër duet që premton të bëhet hit, në bashkëpunim me Genën.

Por, edhe pse shpesh është cak i mediave rozë, Mimoza tregon se nuk i bëjnë përshtypje spekulimet për jetën e saj private dhe se dëshiron të vlerësohet vetëm për punën.
“Jeta private më takon vetëm mua dhe nuk dua as kujt t’ia servoj, por me që më pyete unë jam single”, ka deklaruar ajo në një intervistë të fundit, transmeton Telegrafi.
“Po është e vërtetë, unë nuk dua dhe nuk kam nevojë për skandale, unë punoj shumë dhe dua që të vlerësohet vetëm puna që bëj”.

“Nuk më bëjnë përshtypje këto lajme të shtypit rozë, nuk merrem me to se nuk kam kohë”, ka shtuar ajo. /Telegrafi/