Mimoza: Bombat nuk na frikësojnë
Kryetarja e Gjakovës, Mimoza Kusari-Lila ka reaguar ndaj vendosjes së bombës para shtëpisë së Valon Llukës, biznesmenë dhe djalit të asamblistët të AKR-së në Gjakovës, Masar Llukës.
Kusari-Lila tregon se ky është rasti i tretë i njëjtë e i lidhur me bashkëpunëtorët e saj, por që thotë se nuk po kryejnë punë.
Lexojeni të plotë postimin e kryetares së Gjakovës në Facebook:
“Çdo kush që mendon se bombat, granatat apo plumbat tek dera e shtëpisë janë “efektive” për të frikësuar dikë, duket se nuk e kanë kuptuar që nuk bëjnë punë.
Për një vit e gjysëm qeverisje në Gjakovë, tre bashkëpuntorë u kërcnuan me granatë, plumb dhe bombë.
Sa të errëta janë ato mendje që kërcnimin e tillë e kanë “metodë” pune për të arritur një qëllim.
Sa primitiv dhe qyqarë janë ata të cilët besojnë se do të funksionojë kjo metodë e qelbur e ndjelljes së frikës? Kurrë deri më tani kërcnimi, forca apo shantazhi nuk kanë sjellë sukses tek ata që i praktikojnë. Në të kundërten, ju kanë kthyer mbrapsht dhe në një mënyrë ose tjetër, vetë janë dëmtuar nga metodat e tyre qyqare.
Asgjë më shumë nuk është as sulmi i fundit.
Fatkeqësisht, në asnjërin nga tri kërcnimet nuk u zbuluan autorët nga organet e rendit, fatmirësisht, ne mund ti njohim fëtyrat qyqare të paidentitet që fshihen prapa erësirës së natës, përfitimit personal dhe karakterit monstruoz.
Të errët do mbeteni gjithmonë pa guxim të shihni dritën e Diellit apo funksionimin e lirisë” (sic), ka shkruar Kusari-Lila. /Telegrafi/