Milot Rashica njëri nga akterët e rikthimit të Besiktas ndaj Antalyasporit të Zymer Bytyqit

Besiktas ka arritur të rikthejë rezultatin ndaj Antalyaspor në pjesën e dytë, duke fituar në fund 2-1 për të kaluar tutje në Kupën e Turqisë.

Antalyaspor ishte në epërsi pas pjesës së parë ndaj Besiktasit me rezultat 1-0, ku golin e vetëm në këtë pjesëlojë e shënoi anësori i Kosovës, Zymer Bytyqi.

Sulmuesi anësor, Milot Rashica, kishte rast të mirë në minutën e 61-të, por gjuajtja e tij shkoi mbi portë.

Por, bardhezinjtë filluar rikthimin në pjesën e dytë, kur në minutën e 71-të, Rashica harkon bukur në zonë për të gjetur Jackson Mulekan, i cili me kokë shënoi për 1-1.

I njëjti futbollisti në minutën e 88-të shënoi golin që i solli Besiktasit fitoren, që e dërgon në çerekfinale të Kupës së Turqisë. /Telegrafi/