Miliardat e asfaltit pasuruan oligarkët

Qeverisë i kërkohet të rishikojë prioritetet e investimit

Analistët e ekonomisë vlerësojnë se investimeve kapitale në rrugë iu dha përparësi, për shkak të vjedhjes së fondeve publike, ndërsa efektet ekonomike ishin simbolike

Deputetë të opozitës, analistë të ekonomisë dhe ish-drejtues të OEK-ut, kanë bërë kritika të mëdha në adresë të të gjitha qeverive, duke i akuzuar pushtetarët se shumicën e parave të buxhetit i kanë shpenzuar vetëm për asfaltime rrugësh.

Sipas tyre, tash e tutje paratë e buxhetit nevojitet që mos të shkojnë vetëm për asfalt, por edhe për zhvillim ekonomik. Analistët kanë sugjeruar Qeverinë aktuale se si të përcaktohen prioritetet e investimet nga ana e Qeverisë, e jo si është bërë deri më tash nga garniturat e pushtetarëve që moto të punës së tyre e kanë pasur vjedhjen e fondeve publike aty ku është më lehtë. Qeveria aktuale duket se ka një kurs pak më ndryshe, por zbatimi i planeve mbetet joserioz.

Besnik Bislimi, deputet opozitar nga Lëvizja “Vetëvendosje!” tha për ” Kosova Sot”, se nëse shikohen prioritetet e deklaruara të Qeverisë aktuale, nuk mund të konkludohet se mjetet buxhetore do të shpenzohen për asfalt, por drejtpërdrejt për projekte që mbështesin rritjen ekonomike. “Pse kjo nuk ndodh pastaj në implementim të politikave është çështje tjetër dhe më shumë ka të bëjë me seriozitetin e Qeverisë se sa me prioritetet e deklaruara”, ka thënë ai./kosova sot/