Milazim Krasniqi: Mos u acaroni islamofobë, sepse ata nuk dinë

“Mos u acaroni nga injorantët islamofobë, sepse ata nuk dinë”, kështu tha analisti i pavarur, Milazim Krasniqi në një postim në rrjetin social, Facebook.Ai pos tjerash, përmendi emrat e heronjve shqiptarë, që përkundër religjionit të tyre, ata u flijuan për shqiptari.

Ja postimi i plotë i Krasniqit:
Mos u acaroni nga injorantët islamofobë, sepse ata nuk dinë. Ata nuk e dinë që Hoxha Tahsini dhe Ymer Prizreni ka rënë në sexhde, Abdyli ka marrë edukim në teqe, Papa Kristo Negovani ka bërë kryq si ortodoks, (dhe ka rënë dëshmor i shqiptarisë) Gjergj Fishta ka bërë kryq si katolik. Por, të gjithë kanë qenë atdhetarë shqiptarë. E ndërtuan një komb të fortë dhe unik. Ndërsa, stalinistët që i ndaluan besimet fetare, e katandisën kombin si mos më keq. Tash që po ringrihet kombi ynë edhe mbi lirinë e besimeve fetare, ata i ka kapur paniku. Dhe gënjejnë se gjoja po e mbrojnë harmoninë fetare! Jo. Harmonia fetare ndër ne është e garantuar nga besimtarët. Dhe kombi ynë është i fortë edhe me diversitetin e tij./Indeksonline/