Milani vihet pas Rrahmanit, pritet ofertë që në janar

Amir Rrahmani, mbrojtësi i Napolit, nuk ka luajtur kurrë këtë sezon me ekipin që nënshkroi, duke qëndruar gjithmonë në stol dhe duke pritur debutimin.

Por për mbrojtësin shqiptar duket se ka dritë në fund të tunelit.

Mediumet italiane shkruajnë se interesim për shërbimet e Rrahmanit ka shprehur lideri aktual i Serie A, Milani.

Madje, thuhet se Milani po e përgatit ofertën për ta bindur Napolin që ta lirojë Rrahmanin gjatë afatit kalimtar të janarit.

Te Milani, po e shohin Rrahmanin si zgjidhje të mirë dhe të lirë për të lënduarin Simon Kjaer dhe tashmë trajneri Stefano Pioli ka dhënë dritën e gjelbër për mbrojtësin e Kosovës.

Rrahmani para fillimit të këtij edicioni iu bashkua Napolit pas paraqitjeve të mira me fanellën e Veronas edicionin e shkuar.

Ai ka kontratë me skuadrën e Napolit deri në verën e vitit 2024. /Telegrafi/