Milan pret Xhemailin

Bisedimet në mes të Milanit dhe Napolit për transferimin e mesfushorit Blerim Xhemaili, pritet të zgjasin për një periudhë të gjatë.

Sipas “La Gazzeta dello Sport , bisedimet në mes të drejtorit sportiv të Milanit, Adriano Galianit dhe presidentit të Napolit, Aurelio de Laurentis, janë mbajtur, megjithëse shkurtimisht, gjatë zgjedhjes së presidentit të Federatës Italiane të Futbollit, ndërsa sipas indikacioneve të para, një lëvizje e mundshme e lojtarit ende është larg.

“Rossonerët”, janë pjesërisht të interesuar që të presin deri në uljen e çmimit prej 4 milion eurove nga “Napolitanët”, ndërsa klubi nga “San Paolo”, po ngurron të e lëshojë 28 vjeçarin të shkojë, për shkak të potencialit të tij për të luajtur kundër Atletico Bilbaos në fazën “play-off” të Ligës së Kampionëve.