Mikić shpreson në rritjen e ekonomisë dhe punësimin e qytetarëve në Ranillug

Gjilan – Gradimir Mikiq në takimin që ka pasur me afaristët e Ranillugut ka thënë se krijimi i kushteve për punë të ndërmarrjeve të vogla dhe të mesme, do të rrit jo vetëm produktivitetin, por edhe aktivitetin afaristë dhe punësimin më të madh të qytetareve të kësaj komune.

Udhëheqësit e komunës së Ranillugut në krye me kryetarin e komunës Gradimir Mikić, në bashkëpunim me organizatën ECMI dhe sektorin joqeveritar kanë mbajtur takim me afaristët të cilët ekzistojnë në territorin e komunës. Takimi është mbajtur në restorantin “Royal King“ në Ropotovë të Madhe.

Me qëllim të njoftimit me programin “Formimi i asociacionit të afaristëve”, takimi i afaristëve është mbajtur me iniciativën e organizatës ECMI. Realizimi i këtij programi do të ju mundësoj afaristëve bashkëpunim më të mirë, si dhe ndikimin dhe lobimin për projekte të cilat kanë rëndësi vitale për forcimin e ekonomisë.

Është theksuar gjithashtu krijimi i kushteve për punë të ndërmarrjeve të vogla dhe të mesme, ku do të rritet jo vetëm produktiviteti, por edhe aktiviteti afaristë dhe punësimi më i madh.

ECMI në koordinim me komunën e Ranillugut do të ofrojnë përkrahje të plotë në realizimin e këtij programi, që para së gjithash të rritet ngritja ekonomisë, por edhe të lehtësohet bashkëpunimi në mes të afaristëve me pushtetin lokal dhe qendror./rajonipress/