Migrantët mbajnë kongresin e parë në Zvicër

Të shtunën në Bernë do të mblidhen bashkë në Kongresin e parë migrantët, por edhe ata që janë angazhuar në çështjet e migracionit, e sidomos shoqatat e organizatat aktive të migrantëve.

Organizatorët kanë ftuar nga 2 deri në 5 delegatë nga secila organizatë migrantësh.

Në fokus do të jetë plani i aksionit për sensibilizimin dhe mobilizimin e popullatës migrante. Si tema janë propozuar “Të drejta të njëjta për të gjithë migrantet/ët” dhe “Siguria e qëndrimit”.

Migrantët e mbledhur do të bëjnë përzgjedhjen e një komiteti, i cili do të përbëhet me nga një përfaqësues të grupeve të mëdha të migrantëve, të cilët jetojnë në Zvicër.

Po ashtu në punimet e këtij Kongresi do të vendoset për planin e aksionit për të luftuar ksenofobinë dhe jetësimin e të drejtave të njëjta dhe sigurinë e qëndrimit për popullatën migrante në Zvicër.

Kongresi është përgatitur nga një Komitet me këtë përbërje të Second@s Plus Schweiz Fabbrica di Zurigo dhe Sindikata Unia.

Për më shumë informacione: Osman Osmani, Sekretar për migracion
Seksioni për politikë kontratash dhe të grupeve të interesit Weltpoststrasse 20, Postfach 272 3000 Bernë 15 Tel. +41 (0)31 350 24 15 Mobil +41 79 934 18 89 Fax +41 (0)31 350 22 25 osman.osmani@unia.ch www.unia.ch