MF: S’ka krizë financiare

Edhe pse Kosova gjendet në një ngërç politik, zyrtarët e Ministrisë së Financave thonë se vendi nuk do të ballafaqohet me krizë finaciare.

Ata thonë se janë duke i zhvilluar të gjitha procedurat e parapara me ligj, që kanë të bëjën më rishkimin e buxhetit. Gëzim Baxhaku, këshilltar në ministrinë e Financave tha se nuk do te kete asnje problem.

“Probleme të tilla nuk do të ketë për një arsye të thjesht sepse ligji për buxhetin e republikës së Kosovës për vitin 2014 dhe të gjitha ligjet deri më tash, ligji mbi menaxhimi ne financave publike kanë përcaktuar mundësinë se duke filluar nga data 1 tetor, ministri i financave ka të drejtë ta bëjë rialokimin e 5% nga mjetet e përgjithshme, bëhet fjalë për mundësin e rialokimit diku rreth 75 milion që mjaftojnë që të gjitha ndryshimet eventuale të përmbushen”.

Baxhaku bënë të ditur se deri më tani janë dërguar dy udhëzime tek organizatat buxhetore prej të cilave janë marrë përgjigjije konkrete, derisa bënë ë ditur se nuk do të ketë probleme financiare për projektet të cilat ende nuk kanë përfunduar.

Ndërsa rialokimi i buxhetit do të shfrytëzohet për ato projekte të cilat nuk kanë qenë të planifikuara nga fillimi i vitit, por që do të jenë të nevojshëm për qytetarët e Kosovës.