Mezani i kënaqur më pikën e fituar
Trajneri i Gjilanit, Gentjan Mezani është ndarë i kënaqur me paraqitjen e lojtarëve të tij në ndeshjen ndaj Prishtinës. Mezani në krye të Gjilanit u emërua ditë më pare, pas ri-organizimit të klubit.
“Jam i nderuar që jam pjesë e Superligës. Më ka munguar vitet e fundit. Kam pasur rezultate të mira këtu në Gjilan. Falënderoj kryesinë që besoi tek mua përsëri. Sot jo vetëm Blaca, por të gjithë kanë bërë paraqitje të mirë. Disa prej tyre kanë luajtur për herë të parë në Superligë dhe kanë pasur emocione. Unë mendoj se kemi një kryesi dhe tifozë që kanë besuar tek unë për një projekt të ri. Kemi nevojë në disa pozicione eksperienca. Mendoj që çdo skuadër do t’ia bëj kundërshtarit të vështirë ndeshjen”, ka thënë Mezani./rajonipress/