Mësohet e ardhmja e Valdet Ramës, arrin marrëveshje me këtë skuadër

Pas ofertës së parë së Balikesirspor, Rama e la klubin turk në pritje të një përgjigjeje për rreth dhjetë ditë. Në momentin që ai duhet të vendoste, përgjigjja ishte negative.

Shkaku i sulmeve terroriste që ndodhën në Stamboll, patën shtyrë ish anëtarin e 1860 Munich të refuzojë skuadrën turke.

Por në mesditën e djeshme gjërat kanë ndryshuar. Njëri nga drejtuesit e klubit turk ka thënë se kanë arritur marrëveshje në parim me 28 vjeçarin nga Mitrovica.

“Rama është gati për të firmosur një kontratë dyvjeçare. Ka një akord në parim dhe të enjten mund të firmosë”, ka deklaruar Aron Atabai, zëvendëspresidenti i klubit.

Rama në karrierën e tij ka qenë pjesë e skuadrave Inglostadt, Hannover, Orebro, Valladolid dhe së fundi 1860 Munich, për këtë të fundit ka realizuar katër gola në 44 paraqitje./Indeksonline/