Mësohen emrat e dy të arrestuarve në aksionin e policisë në veri

Policia e Kosovës ka pasur një aksion këtë mëngjes në veriun e vendit. Pas këtij aksioni janë lëshuar alarmet në Mitrovicën e Veriut, raportohet se qytetarët kanë filluar të dalin në rrugë.

Tani, televizioni publik serb RTS citon Igor Simiq, udhëqësin e Listës Serbe që thotë se janë arrestuar dy persona, transmeton Gazeta Express.

Dragisha Markoviq është një nga të arrestuarit. Ai është pjesëtar i policisë së Kosovës po punonte në hetimet për vrasjen e Ivanoviqit.

Poashtu, sipas RTS, i arrestuari tjetër është Marko Rashiq.

Ndërkohë, më herët është raportuar se janë arrestuar katër persona. /Gazeta Express