Mesiq: Serbia s`mund të bëjë asgjë më shumë me Kosovën

Kosova është çështje teknike dhe se Qeveria e Serbisë, as kjo dhe asnjë tjetër, nuk mund të bëjë asgjë që nga koha kur është krijuar Ushtria Çlirimtare e Kosovës, ka thënë ish-kryetari i Kroacisë, Stipe Mesiq.

Ai gjatë një interviste për javoren beogradase “NIN” ka thënë se për Serbinë do të ishte mirë sikur sërish t’i kthehej industrializimit dhe aranzhimit të kapitalit të jashtëm.

Kur është pyetur për Kosovën, Mesiq ka thënë se ajo është vetëm çështje teknike dhe se Qeveria e Serbisë më nuk mund të bëjë asgjë dhe jo vetëm kjo e tanishmja pasi asgjë nuk mund të bëhet më që nga momenti kur është krijuar Ushtria Çlirimtare e Kosovës.

I pyetur se përse shpirtërisht mbështet pavarësinë e Kosovës, Mesiq ka sqaruar që Kosova ka pasur autonominë pas Luftës së Dytë Botërore, të cilën ish-presidenti i Serbisë, Sllobodan Millosheviq ia hoqi dhe provoi që në mënyrë brutale t’i shtyp shqiptarët, pasi ai teren i duhej për refugjatët serbë të Krajinës.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).