Mësimi në shkollat shqipe fillon këtë javë në Gjenevë

Mësimi plotësues i gjuhës shqipe, që organizohet nga Lidhja e Arsimtarëve dhe Prindërve Shqiptarë – Këshilli Kantonal i Gjenevës, fillon nga kjo javë, nga data 16 shtator 2013.

“Zhvillimi i këtij mësimi mundësohet falë subvencioneve nga Gjeneva dhe disa komunave të kantonit, sikurse edhe falë punës vullnetare të kryesisë së LAPSH-it. Vijimi i këtij mësimi është falas, kundrejt një anëtarësie vjetore prej 50 franga për familje”, thuhet në komunikatën e lëshuar nga Kryesia e Komunitetit Shqiptar në Gjenevë, e cila ka financuar dhe ka prodhuar një video që po emitohet në televizion për të sensibilizuar prindërit shqiptarë në diasporë që t’i dërgojnë fëmijët e tyre të mësojnë gjuhën shqipe nëpër shkollat shqipe, që organizohen në diasporë nga Lidhja e Arsimtarëve dhe Prindërve Shqiptarë “Naim Frashëri”./albinfo/