Mësimdhënësit mbajnë grevë një orëshe

Sot, ora e parë e të dy ndërrimeve në të gjitha shkollat e vendit nuk do të mbahet. Greva do të mbahet në shenjë proteste për mos zbatimin e 4 pikave të Kontratës Kolektive.

Kryetari i SBASHK-ut, Rrahman Jasharaj, ditë më parë ka thënë se një vendim i tillë u mor për shkak se nuk dihet sigurt ende nëse do të implementohet Kontrata Kolektive në sektorin e arsimit.

Kjo gjë sipas tij do të merret vesh në pagën e parë të janarit dhe deri atëherë pasi që asgjë nuk është e sigurt do të fillohet me veprime sindikale.