Mesazhi i Rrahmanit pasi u la jashtë listës përfundimtare nga De Biasi

Amir Rrahmani ka dhënë një mesazh përmes Facebookut, pas largimit nga Kombëtarja shqiptare.

Mbrojtësi i ri i Kombëtares shqiptare, Amir Rrahmani, e ka përjetuar rëndë lënien jashtë listës përfundimtare për pjesëmarrjen në Euro 2016, por ka thënë se e respekton vendimin e trajnerit, Giani de Biasi.

Ndër të tjera Rrahmani i ka uruar fat Kombëtares shqiptare në Euro 2016.

“Nuk është lehtë, por duhet të pranosh vendimet e trajnerit. E respektoj këtë vendim dhe uroj me gjithë zemër të na bëjnë shokët tanë krenar në Europian”, ka shkruar Rrahmani në Facebook. /Express/