Mesazh urimi i Myftiut Saqipi me rastin e Kurban Bajramit
Kryetari i Bashkësisë Islame për Preshevë, Bujanoc dhe Medvegjë (BIPBM), Myftiu Nexhemdin ef. Saqipi, i cili njëherit është edhe z/reis i Rijasetit të Bashkësisë Islame në Serbi, ua uron të gjithë qytetarëve të besimit islam, Festën e Kurban Bajramit.
Për shkak rrethana të krijuara me rasti e paraqitjes së Virusit Korona, Myftiu Saqipi, fton qytetarët e besimit islamë, që ta falin namazin e Kurban Bajramit, sipas kushteve dhe standardeve, të parapara sipas rekomandimeve të parapara nga institucionet shëndetësore, të cilat i posedojnë imamët dhe xhamitë e Luginës së Preshevës.
Mesazhi i Myftiut Saqipi del nga dëshira, që festa e Kurban Bajramit, t’i gjejë ata të bashkuar, në gëzimet familjare dhe në lutjet drejtuar Zotit, që festat e tjera, t’i presim në kushte dhe rrethana normale.
Duke shpresuar, që kjo festë t’ju gjejë të lumtur, urojmë që në familjet Tuaja të mbretëroj paqa, begatia dhe shëndeti, thuhet në mesazhin e urimit të Myftiut Nexhemdin ef. Saqipi, njofton Jetapress.