Mesazh urimi i Myftiut Saqipi me rastin e Fitër Bajramit

Kryetari i Meshihatit të Bashkësisë Islame për Preshevë, Bujanoc dhe Medvegjë, Myftiu Nexhemdin ef. Saqipi, i cili njëherit është edhe z/reis i Rijasetit të Bashkësisë Islame të Serbisë, ua uron të gjithë qytetarëve të besimit islam, Festën e Fitër Bajramit.

Myftiu Saqipi, fton qytetarët e besimit islamë, që ta falin namazin e mëngjesit dhe Fitër Baramit, sipas rregullave të parapara gjatë periudhës pandemike, duke respektuar rekomandimet e institucioneve kompetente për mbrojtjen e shëndetit publik.

Mesazhi i Myftiut Saqipi del nga dëshira, që festa e Fitër Bajramit, t’i gjejë ata të bashkuar, në gëzimet familjare dhe në lutjet drejtuar Zotit, për pranimin e agjërimit.

“Motra dhe vëllezër myslimanë, përmes agjërimit, sakrifica gjatë këtij muaji të madhërishëm të Ramazanit, krijoi një atmosferë të ngrohtë e miqësor midis njerëzve qoftë nga rrethi familjar, qoftë nga ai shoqëror, duke dhënë shembullin e mirë të solidaritetit, tolerancës, mirëkuptimit dhe respektit të ndërsjellë, u shpreh Myftiu Saqipi dhe shtoi:

– Gjatë kësaj feste kaq të dashur për myslimanët, nuk mjaftojnë vetëm telegramet e urimeve me rastin e këtyre ditëve të bekuara të Ramazanit, për solidarësi, tolerancë dhe mirëkuptim midis njerëzve, por edhe vepra konkrete në këtë drejtim, gjithmonë të gatshëm për ta luftuar të keqen, inatin, përçarjen, hasmërinë e dukuri të tjera të dëmshme për shoqërinë tonë.

Duke shpresuar, që kjo festë t’ju gjejë të lumtur, urojmë që në familjet Tuaja të mbretëroj paqa, begatia dhe shëndeti, thuhet në mesazhin e urimit të Myftiut Nexhemdin ef. Saqipi, njofton Jetapress.

Shpërndaje.
© RAJONIPRESS